लैंगिक अपराधांपासून बालकांचे संरक्षण अधिनियम २०१२
कलम ३६ :
साक्ष देण्याच्या वेळी बालकाला आरोपी न दिसणे :
१) साक्ष नोंदविण्याच्या वेळी बालकाला कोणत्याही प्रकारे आरोपी दिसणार नाही याची सुनिश्चिती विशेष न्यायालय करील व त्याचवेळी आरोपीला हा बालकाचा जबाब ऐकता येईल व तो त्याच्या अधिवक्त्याला कळविता येईल अशा स्थितीत आरोपी असेल याचीही सुनिश्चिती करील.
२) पोट-कलम १) च्या प्रयोजनार्थ, विशेष न्यायालयाला व्हिडिओ कॉन्फरन्सिंगद्वारे किंवा एकाच बाजूने दिसू शकेल अशा आरशांचा किंवा पडद्यांचा किंवा इतर कोणत्याही साधनांचा वापर करून बालकाचा जबाब नोंदविता येईल.
