लैंगिक अपराधांपासून बालकांचे संरक्षण अधिनियम २०१२
कलम १७ :
अपप्रेरणेसाठी शिक्षा :
जो कोणी, या अधिनियमान्वये एखाद्या अपराधाला अपप्रेरणा देईल. त्याला, जर अपप्रेरणाचा परिणाम म्हणून अपप्रेरित कृती घडली तर त्या अपराधाकरिता तरतूद केलेली शिक्षा होईल.
स्पष्टीकरण :
एखादी कृती किंवा अपराध, अपप्रेरणाला घटकभूत अशा चिथावणीचा परिणाम म्हणून किंवा अशा कटाला अनुसरून किंवा अशा कटाच्या साहाय्याने घडतो तेव्हा, तो अपप्रेरणाचा परिणाम म्हणून घडला असे म्हटले जाते.
