मोटार वाहन अधिनियम १९८८
कलम ७७ :
मालमोटार परवान्यासाठी अर्ज :
एखादे मोटार वाहन भाडे किंवा मोबदला घेऊन मालाची ने-आण करण्यासाठी किंवा अर्जदार करत असलेला व्यापारउदीम अथवा धंदा यासाठी किंवा त्या संबंधात मालाची ने-आण करण्यासाठी वापरण्याचा परवाना (या प्रकरणात त्याचा उल्लेख मालमोटार परवाना असा केला आहे.) मिळण्यासाठी करायच्या अर्जात शक्यतोवर पुढील तपशील असेल-
(a)क)अ) अर्ज ज्याच्याशी संबंधित असेल ते क्षेत्र किंवा एक किंवा अधिक मार्ग;
(b)ख) ब) वाहनाचा प्रकार व आसनक्षमता;
(c)ग) क) ने-आण करण्याचे योजलेल्या मालाचे स्वरूप;
(d)घ) ड) वाहन ठेवणे, त्याची देखभाल आणि दुरूस्ती यासाठी व मालाची साठवण व सुरक्षित सांभाळ यासाठी कोणती व्यवस्था करण्यात येणार आहेत;
(e)ड) ई) अर्ज करण्यापूर्वी अर्जदाराने कोणत्याही वेळी भाडे किंवा मोबादला घेऊन मालाची ने-आण करणारा म्हणून केलेल्या कोणत्याही धंद्याच्या संबंधात आणि अर्जदाराने आकारलेल्या दरांबाबत प्रादेशिक परिवहन प्राधिकरण मागवील असा तपशील;
(f)च) फ) भाडे किंवा मोबदला घेऊन मालाची वाहतूक करण्यासाठी प्रादेशिक परिवहन प्राधिकरणाच्या प्रदेशात उपलब्ध केलेल्या सुविधांवर कोणत्याही महत्त्वाच्या बाबतीत ज्याचा परिणाम होईल, असा कोणताही करार किंवा व्यवस्था अर्जदाराने, त्या प्रदेशाबाहेर अशा सुविधा उपलब्ध करून देणाऱ्या इतर कोणत्याही व्यक्तीबरोबर केलेली असेल तर त्या कराराचा किंवा व्यवस्थेचा तपशील;
(g)छ)ग) विहित करण्यात येईल असा इतर कोणताही तपशील;
