मोटार वाहन अधिनियम १९८८
कलम १६ :
रोग किंवा असमर्थता यांच्या आधारावर चालकाचे लायसन रद्द करणे:
यापूर्वीच्या कलमांमध्ये काहीही अंतर्भूत असले, तरी चालकाचे लायसन धारण करणारी व्यक्ती, कोणताही रोग किंवा असमर्थता यामुळे मोटार वाहन चालविण्यास अपात्र आहे असे मानण्यास लायसन देणाऱ्या प्राधिकरणास वाजवी कारणे असतील तर, कोणत्याही लायसन देणाऱ्या प्राधिकरणाला कोणत्याही वेळी चालकाचे लायसन रद्द करता येईल किंवा ते लायसन धारण करण्याचे चालू ठेवण्याची एक शर्त म्हणून, चालकाचे लायसन धारकाला, कलम ८ च्या पोट-कलम (३) मध्ये निर्दिष्ट करण्यात आलेल्या नमुन्यात आणि त्याच रीतीने वैद्यकीय प्रमाणपत्र सादर करण्यास फर्मावील आणि लायसन रद्द करणारे प्राधिकरण हे लायसन देणारे प्राधिकरण नसेल, अशा बाबतीत हे लायसन देणाऱ्या प्राधिकरणाला लायसन रद्द करण्यात आल्याचे त्या प्राधिकरणाने कळविले पाहिजे.
