बाल न्याय अधिनियम २०१५
कलम १०३ :
चौकशी, अपीले आणि पुनर्विलोकन कारवाईची क्रियारीती :
१) अन्यथा स्पष्ट तरतूद केलेली नसल्यास या अधिनियमान्वये स्पष्ट तरतूद केल्याप्रमाणे समिती किंवा मंडळ, या अधिनियमान्वये चौकशी करतांना, सर्वसाधारणपणे फौजदारी प्रक्रिया संहिता १९७३ (१९७४ चा २) मधील समन्स केसच्या सुनावणीची यथाशक्य क्रियारीती वापरतील.
२) काही वेगळी स्पष्ट तरतूद केलेली नसल्यास या अधिनियमान्वये अपील किंवा पुनर्विलोकनाची कारवाई करतांना शक्यतोवर फौजदारी प्रक्रिया संहिता १९७३ (१९७४ चा २) ची क्रियारीती वापरतील.
