माहिती तंत्रज्ञान अधिनियम २०००
कलम ८ :
नियम, विनियम इत्यादी इलेक्ट्रॉनिक गॅझेटमध्ये प्रसिद्ध करणे :
जेव्हा एखाद्या कायद्यामध्ये कोणताही नियम, विनियम, आदेश, उपविधी, अधिसूचना किंवा इतर कोणतीही बाब राजपत्रात प्रसिद्ध करण्यात येईल अशी तरतूद करण्यात आलेली असते तेव्हा असे नियम, विनियम, आदेश, उपविधी, अधिसूचना किंवा इतर कोणतीही बाब जर शासकीय राजपत्रात किंवा इलेक्ट्रॉनिक राजपत्रात प्रसिद्ध करण्यात आली तर ती अशी आवश्यकता पूर्ण करते असे मानण्यात येईल.
परंतु असे की, कोणतेही नियम, विनियम, आदेश, उपविधी, अधिसूचना किंवा इतर बाबी शासकीय राजपत्रात किंवा इलेक्ट्रॉनिक राजपत्रात प्रसिद्ध करण्यात आले असेल तेव्हा अशा प्रकाशनाची तारीख ही राजपत्राची तारीख असेल जे कोणत्याही स्वरूपात प्रथम प्रसिद्ध करण्यात आलेले असेल.
