माहिती तंत्रज्ञान अधिनियम २०००
कलम ६८ :
निदेश देण्याचे नियंत्रकाचे अधिकार :
१) नियंत्रकाला या अधिनियमाच्या किंवा त्याखाली करण्यात आलेल्या नियमांच्या किंवा विनियमांच्या तरतुदींचे पालन होईल हे निश्चित करण्यासाठी आवश्यक असेल तर तो प्रमाणन प्राधिकरणाला किंवा अशा प्राधिकरणाच्या कोणत्याही कर्मचाऱ्याला आदेशामध्ये विनिर्दिष्ट करण्यात आले असेल अशा उपाययोजना करण्याचे किंवा अशा कृती करणे बंद करण्याचे निदेश देता येतील.
१.(२) पोटकलम (१) मधील कोणत्याही आदेशाचे पालन करण्यात कसूर करील अशी कोणतीही व्यक्ती अपराधाबद्दल दोषी ठरेल आणि ती २.(पंचवीस लाख रुपयांपर्यंतच्या दंडास पात्र असेल.))
——–
१.सन २००९ चा अधिनियम १० च्या कलम ३३ द्वारे सुधारणा.
२. जन विश्वास (संशोधन) अधिनियम २०२३ (२०२३ चा १८) च्या कलम २ आणि अनुसूची द्वारा (तीन वर्षांपेक्षा अधिक नसेल अशा कारावासाच्या शिक्षेस किंवा दोन लाख रूपयांपेक्षा अधिक नसेल अशा दंडास किंवा या दोन्हीस पात्र ठरेल.) या मजकुराऐवजी समाविष्ट केले.
