माहिती तंत्रज्ञान अधिनियम २०००
कलम ३३ :
लायसेन्स परत करणे :
१) ज्याचे लायसेन्स निलंबित किंवा रद्द करण्यात आले असेल असे प्रत्येक प्रमाणन प्राधिकरण अशा निलंबनानंतर किंवा रद्द करण्यात आल्यानंतर लगेच ते लायसेन्स नियंत्रक प्राधिकरणाकडे परत करील.
२) कोणत्याही प्रमाणन प्राधिकरणाने पोटकलम (१) अन्वये लायसेन्स परत करण्यात कसूर केली तर तो अपराधासाठी दोषी ठरेल आणि १.(पाच लाख रुपयांपर्यंत असू शकेल इतक्या दंडाची शिक्षा होऊ शकेल.)
——–
१. जन विश्वास (संशोधन) अधिनियम २०२३ (२०२३ चा १८) च्या कलम २ आणि अनुसूची द्वारा (सहा महिन्यांपर्यंत असू शकेल अशी कारावासाची शिक्षा किंवा दहा हजार रूपयांपर्यंत असू शकेल असा दंड किंवा या दोन्ही शिक्षा होऊ शकतील.) या मजकुराऐवजी समाविष्ट केले.
