माहिती तंत्रज्ञान अधिनियम २०००
कलम ७६ :
जप्त करणे :
कोणताही संगणक, संगणक यंत्रणा, फ्लॉपी, कॉम्पॅक्ट डिस्क, टेप डिव्हाईस किंवा त्याच्याशी संबंधित इतर कोणत्याही इतर सहाय्यक गोष्टी यांच्या संबंधातील या अधिनियमाच्या किंवा त्याखाली करण्यात आलेले नियम, आदेश किंवा विनियम याच्या कोणत्याही तरतुदीचे उल्लंघन करण्यात आले असेल किंवा करण्यात येत असेल तर, त्या जप्त करण्यास पात्र ठरतील.
परंतु असे की, असा कोणताही संगणक, संगणक यंत्रणा, फ्लॉपी, कॉम्पॅक्ट डिस्क, टेप डिव्हाइस किंवा त्याच्याशी संबंधित सहाय्यक गोष्टी जिच्या ताब्यात, अधिकारात किंवा नियंत्रणात सापडली असेल ती व्यक्ती या अधिनियमाच्या किंवा त्याखाली करण्यात आलेले नियम, आदेश किंवा विनियम यांच्या उल्लंघनास जबाबदार नाही हे त्याबाबतचा निर्णय करणाऱ्या न्यायालयाचे समाधान होईल अशाप्रकारे सिद्ध करण्यात आले तर, ते न्यायालय असा संगणक, संगणक यंत्रणा, फ्लॉपी, कॉम्पॅक्ट डिस्क, टेप डिव्हाईस किंवा त्याच्याशी संबंधित अशा इतर सहायक गोष्टी जप्त करण्याचा आदेश देण्याऐवजी या अधिनियमाच्या संबंधित अशा इतर सहाय्यक गोष्टी जप्त करण्याचा आदेश देण्याऐवजी या अधिनियमाच्या किंवा त्याखाली करण्यात आलेले नियम, आदेश किंवा विनियम यांच्या तरतुदींद्वारे प्राधिकृत करण्यात आलेल्यांपैकी त्याला योग्य वाटेल असा अन्य आदेश अशा उल्लंघन करणाऱ्या व्यक्तीविरूद्ध काढील.
