भारतीय दंड संहिता १८६०
कलम ४०९ :
लोकसेवकाने, अथवा बँक व्यवसायी,व्यापारी किंवा अभिकर्ता याने केलेला फौजदारीपात्र न्यासभंग:
(See section 316(5) of BNS 2023)
अपराधाचे वर्गीकरण :
अपराध : लोकसेवकाने अथवा बँक व्यवसायी, व्यापारी किंवा अभिकर्ता, इत्यादींनी केलेला फौजदारीपात्र न्यासभंग.
शिक्षा :आजीवन कारावास किंवा १० वर्षांचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——-
लोकसेवक या नात्याने अथवा बँक व्यवसायी, व्यापारी, अडत्या, दलाल, मुखत्यार किंवा अभिकर्ता म्हणून आपल्या धंद्याच्या ओघात स्वत:कडे एखादी मालमत्ता किंवा मालमत्तेवरील कसलीही हुकमत कोणत्याही रीतीने सोपवण्यात आली असताना, जो कोणी त्या मालमत्तेच्या बाबतीत फौजदारीपात्र न्यासभंग करील त्याला, १.(आजन्म कारावासाची) किंवा दहा वर्षांपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
——–
१. १९५५ चा अधिनियम २६ – कलम ११७ व अनुसूची याद्वारे जन्मठेप काळेपाणी याऐवजी समाविष्ट करण्यात आले.
