भारतीय दंड संहिता १८६०
कलम ३९४ :
जबरी चोरी करताना इच्छापूर्वक दुखापत करणे :
(See section 309 of BNS 2023)
अपराधाचे वर्गीकरण :
अपराध : जबरी चोरी करताना किंवा करण्याचा प्रयत्न करताना एखाद्या व्यक्तीने इच्छापूर्वक दुखापत करणे अथवा अशा जबरी चोरीत तिच्या जोडीला अन्य कोणतीही व्यक्ती निबद्ध असणे.
शिक्षा :आजीवन कारावास किंवा १० वर्षांचा सश्रम कारावास व द्रव्यदंड .
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय.
कोणत्या नायालयात विचारणीय :प्रथम वर्ग दंडाधिकारी.
——-
जर कोणत्याही व्यक्तीने जबरी चोरी करताना किंवा करण्याच्या प्रयत्नात असताना इच्छापूर्वक दुखापत केली तर अशी व्यक्ती किंवा अशी जबरी चोरी करण्याच्या कामी किंवा जबरी चोरी करण्याच्या प्रयत्नात तिच्या जोडीने निबध्द असलेली अन्य कोणतीही व्यक्ती यांना १.(आजन्म कारावासाची) किंवा दहा वर्षेपर्यंत असू शकेल इतक्या मुदतीची सश्रम कारावासाची शिक्षा होईल व त्या द्रव्यदंडासही पात्र होतील.
——–
१. १९५५ चा अधिनियम २६ – कलम ११७ व अनुसूची यांद्वारे जन्मठेप काळेपाणी याऐवजी समाविष्ट करण्यात आले.
