भारतीय दंड संहिता १८६०
कलम ४५५ :
दुखापत, हमला किंवा गैरनिरोध करण्याची पूर्वतयारी करुन नंतर चोरटे गृह-अतिक्रमण किंवा घरफोडी (गृह-भेदन) :
(See section 331(5) of BNS 2023)
अपराधाचे वर्गीकरण :
अपराध : दुखापत, हमला इत्यादी पूर्वतयारी करुन चोरटे गृह-अतिक्रमण किंवा घरफोडी.
शिक्षा :१० वर्षांचा कारावास व द्रव्यदंड .
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——-
कोणत्याही व्यक्तीला दुखापत करण्याची किंवा कोणत्याही व्यक्तीवर हमला करण्याची किंवा कोणत्याही व्यक्तीला गैरपणे निरुद्ध करण्याची किंवा कोणत्याही व्यक्तीला दुखापतीची, हमल्याची किंवा गैरनिरोधाची भीती घालण्याची पूर्वतयारी करुन नंतर जो कोणी चोरटे गृह-अतिक्रमण किंवा घरफोडी करील त्याला दहा वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
