भारतीय दंड संहिता १८६०
कलम ३३२:
लोकसेवकाला त्याच्या कर्तव्यपासून धाकाने परावृत्त करण्यासाठी इच्छापूर्वक दुखापत पोचवणे :
(See section 121 of BNS 2023)
अपराधाचे वर्गीकरण :
अपराध : लोकसेवकाला त्याच्या कर्तव्यापासून धाकाने परावृत्त करण्यासाठी इच्छापूर्वक दुखापत पोचवणे.
शिक्षा :१.(५ वर्षाचा कारावास किंवा द्रव्यदंड किंवा दोन्ही.
दखलपात्र / अदखलपात्र :दखलपात्र
जामीनपात्र / अजामीनपात्र : २.(अजामीनपात्र)
शमनीय / अशमनीय : अशमनीय
कोणत्या नायालयात विचारणीय :सत्र न्यायालय.)
———
लोकसेवक असलेली कोणतीही व्यक्ती असा लोकसेवक म्हणून आपले कर्तव्य पार पाडीत असताना अथवा त्या व्यक्तीला किंवा अन्य कोणत्याही लोकसेवकाला असा लोकसेवक म्हणून आपले कर्तव्य पार पाडण्यास प्रतिबंध करण्याच्या किंवा त्यापासून धाकाने परावृत करण्याच्या उद्देशाने अथवा लोकसेवक म्हणून आपले कर्तव्य पार पाडताना त्या व्यक्तीने केलेल्या किंवा करण्याचा प्रयत्न केलेल्या कोणत्याही गोष्टीच्या परिणामी जो कोणी तिला इच्छापूर्वक दुखापत पोचवील त्याला, १.(पाच वर्षेपर्यंत) असू शकेल इतक्या मुदतीची कोणत्यातरी एका वर्णनाच्या कारावासाची किंवा द्रव्यदंडाची किंवा दोन्ही शिक्षा होतील.
——-
१.भारतीय दंड संहिता आणि फौजदारी प्रक्रिया संहिता (महाराष्ट्र सुधारणा) अधिनियम २०१७ (२०१८ चा ४०) च्या प्रकरण २, कलम २ आणि प्रकरण ३ कलम ५ (एक) नुसार सुधारणा.
२.फौजदारी प्रक्रिया संहिता (सुधारणा) अधिनियम २००५ (२००५ चा २५) द्वारे सुधारणा.