पर्यावरण (संरक्षण) अधिनियम १९८६
कलम ४ :
अधिकाऱ्यांची नियुक्ती आणि त्यांच्या शक्ती व कार्ये :
(१) कलम ३, पोटकलम (३) च्या उपबंधांना बाध न आणता, केंद्र सरकार, या अधिनियमाच्या प्रयोजनांकरिता, त्याला वाटतील ती पदनामे असलेले अधिकारी नियुक्त करू शकेल आणि या अधिनियमाखाली त्याला योग्य वाटतील अशा शक्ती व कार्ये त्यांच्याकडे सोपवू शकेल.
(२) पोटकलम (१) अन्वये नियुक्त केलेले अधिकारी, केंद्र सरकारच्या किंवा त्या सरकारने तसा निदेश दिला असल्यास कलम ३, पोटकलम (३) अन्वये कोणतेही प्राधिकरण किंवा प्राधिकरणे घटित करण्यात आले किंवा आली असल्यास त्यांच्याही, किंवा कोणत्याही इतर प्राधिकाऱ्यांच्या किंवा अधिकाऱ्याच्या सर्वसाधारण नियंत्रणाच्या आणि निदेशाच्या अधीन असतील.
