भारतीय साक्ष्य (पुरावा) अधिनियम २०२३
प्रकरण ९ :
साक्षीदारांसंबंधी :
कलम १२४ :
कोणाला साक्ष देता येईल :
सर्व व्यक्ती साक्ष देण्यास सक्षम असतील – मात्र त्यांना विचारलेले प्रश्न समजून घेण्यास किंवा त्या प्रश्नांना संयुक्तिक उत्तरे देण्यास कोवळ्या वयामुळे, अतिवार्धक्यामुळे, शारीरिक किंवा मानसिक रोगामुळे अथवा त्याच प्रकारच्या अन्य कोणत्याही कारणाने त्या असमर्थ आहेत असे न्यायालयाला वाटत असेल तर, तो अपवाद समजावा.
स्पष्टीकरण :
मनोविकल व्यक्ति साक्ष देण्यास अक्षम नसतो, मात्र जर त्याला विचारले जाणो प्रश्न समजून घेण्यास व त्यांची संयुक्तिक उत्तरे देण्यास तो मनोविकलतेमुळे असमर्थ असेल तर, तो अपवाद समजावा.
