भारतीय न्याय संहिता २०२३
कलम ३२८ :
चोरी इ. करण्याच्या उद्देशाने जलयान उथळ पाणी असलेल्या जमिनीत किंवा किनाऱ्यावर उद्देशपूर्वक घुसवण्याबद्दल शिक्षा:
कलम : ३२८
अपराधाचे वर्गीकरण :
अपराध : चोरी इ. करण्याच्या उद्देशाने जलयान किनाऱ्याकडे लावणे.
शिक्षा : १० वर्षांचा कारावास व द्रव्यदंड .
दखलपात्र / अदखलपात्र : दखलपात्र.
जामीनपात्र / अजामीनपात्र : अजामीनपात्र.
शमनीय / अशमनीय : अशमनीय
कोणत्या नायालयात विचारणीय : सत्र न्यायालय.
———
जो कोणी एका जलयानामध्ये असलेल्या कोणत्याही मालमत्तेची चोरी करण्याच्या किंवा अशा कोणत्याही मालमत्तेचा अप्रामणिकपणाने अपहार करण्याच्या उद्देशाने, अथवा मालमत्तेची अशी चोरी किंवा अपहार करता यावा अशा हेतूने उद्देशपूर्वक ते जलयान उथळ पाणी असलेल्या जमिनीत किंवा किनाऱ्यावर घुसवील त्याला, दहा वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
