भारतीय न्याय संहिता २०२३
कलम १४२ :
अपनयन किंवा अपहरण केलेल्या व्यक्तीला गैरपणे लपवणे किंवा परिरुद्ध करुन ठेवणे :
कलम : १४२
अपराधाचे वर्गीकरण :
अपराध : अपनयन किंवा अपहरण केलेल्या व्यक्तीला लपवणे किंवा तिला परिरुद्ध करुन ठेवणे.
शिक्षा :अपनयन किंवा अपहरण याबद्दलची शिक्षा.
दखलपात्र / अदखलपात्र : दखलपात्र
जामीनपात्र / अजामीनपात्र : अजामीनपात्र
शमनीय / अशमनीय : अशमनीय
कोणत्या नायालयात विचारणीय : अपनयन किंवा अपहरण हा अपराध ज्या न्यायालयात विचारणीय असेल ते न्यायालय.
———
कोणत्याही व्यक्तीचे अपनयन किंवा अपहरण करण्यात आले आहे हे माहीत असून जो कोणी अशा व्यक्तीला गैरपणे लपवील किवा परिरुद्ध करील त्याला, ज्या उद्देशाने किवा ज्या जाणिवेने किंवा ज्या प्रयोजनासाठी तो अशा व्यक्तीला लपवीत असेल किंवा परिरुद्ध करुन ठेवत असेल त्याच उद्देशाने किंवा त्याच जाणिवेने किंवा त्याच प्रयोजनासाठी जणू काही त्याने अशा व्यक्तीचे अपनयन किवा अपहरण केलेले असावे अशा प्रकारे शिक्षा होईल.
