मानवी हक्क संरक्षण अधिनियम १९९३
कलम ६ :
१.(सभाध्यक्ष आणि सदस्यांचा पदावधी :
१) सभाध्यक्ष म्हणून नियुक्त झालेली व्यक्ती, ती ज्या दिनांकास आपले पद ग्रहण करील तेव्हापासून २.(तीन वर्षाच्या) कालावधीपर्यंत किंवा ती व्यक्ती सत्तर वर्षे वयाची होईपर्यंत, यांपैकी जे अगोदर घडेल त्या घटनेपर्यंत, पद धारण करील ३.(आणि ती व्यक्ती पुन:नियुक्तीस पात्र असेल.)
२) सदस्य म्हणून नियुक्त झालेली व्यक्ती, ती ज्या दिनांकास आपले पद ग्रहण करील त्या दिनांकापासून २.(तीन वर्षाच्या) कालावधीसाठी आपले पद धारण करील आणि ४.(***) पुर्ननियुक्ती होण्यासाठी पात्र असेल :
परंतु, कोणताही सदस्य त्याने आपल्या वयाची सत्तर वर्षे पूर्ण केल्यानंतर पद धारण करणार नाही.
३) पद धारण करणे समाप्त झाल्यावर, सभाध्यक्ष किंवा सदस्य हा, भारत सरकारच्या अखत्यारीखाली किंवा कोणत्याही राज्य शासनाच्या अखत्यारीखाली, त्यापुढे नोकरी करण्यास अपात्र असेल.)
——–
१. २००६ चा अधिनियम क्रमांक ४३ याच्या कलम ६ अन्वये मूळ कलमाऐवजी समाविष्ट करण्यात आले.
२. २०१९ चा अधिनियम क्रमांक १९ याच्या कलम ४ अन्यये पाच वर्षे याऐवजी समाविष्ट करण्यात आले.
३. २०१९ चा अधिनियम क्रमांक १९ याच्या कलम ४ अन्वये समाविष्ट करण्यात आले.
४. २०१९ चा अधिनियम क्रमांक १९ याच्या कलम ४ अन्वये मजकुर वगळण्यात आला.
