भारतीय दंड संहिता १८६०
कलम ४५२ :
दुखापत, हमला किंवा गैरनिरोध करण्याची पूर्वतयारी करुन नंतर गृह-अतिक्रमण :
(See section 333 of BNS 2023)
अपराधाचे वर्गीकरण :
अपराध : दुखापत, हमला इत्यादी करण्याची पूर्वतयारी करुन नंतर गृह-अतिक्रमण.
शिक्षा :७ वर्षांचा कारावास व द्रव्यदंड .
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय
कोणत्या नायालयात विचारणीय :कोणताही दंडाधिकारी.
——-
कोणत्याही व्यक्तीला दुखापत करण्याची, किंवा कोणत्याही व्यक्तीवर हमला करण्याची, किंवा कोणत्याही व्यक्तीला गैरपणे निरुद्ध करण्याची, किंवा कोणत्याही व्यक्तीला दुखापतीची, हमल्याची अगर गैरनिरोधाची भीती घालण्याची पूर्वतयारी करुन नंतर जो कोणी गृह-अतिक्रमण करील त्याला सात वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
