भारतीय दंड संहिता १८६०
कलम ४४० :
मृत्यू किंवा दुखापत घडवून आणण्याची पूर्वतयारी करुन केलेली आगळीक:
(See section 324(6) of BNS 2023)
अपराधाचे वर्गीकरण :
अपराध : मृत्यु किंवा दुखापत इत्यादी घडवून आणण्याची पूर्वतयारी करुन केलेली आगळीक.
शिक्षा :५ वर्षांचा कारावास व द्रव्यदंड .
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र.
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——–
कोणत्याही व्यक्तीची मृत्यू किंवा तिला दुखापत घडवून आणण्याचा किंवा तिला गैरनिरोध करण्याचा, अथवा तिला मृत्यूची, किंवा दुखापतीची,किंवा गैरनिरोधाची भीती निर्माण करण्याच्या उद्देशाने तयारी करुन जो कोणी आगळीक करील त्याला पाच वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
