भारतीय दंड संहिता १८६०
कलम ४३५ :
शंभर रुपयांच्या मर्यादेपर्यंत अथवा (शेतमालाच्या बाबतीत) दहा रुपयांच्या मर्यादेपर्यंत नुकसान करण्याच्या उद्देशाने विस्तव किंवा स्फोटक पदार्थ याद्वारे आगळीक करणे:
(See section 326(f) of BNS 2023)
अपराधाचे वर्गीकरण :
अपराध : १०० रुपयांच्या मर्यादेपर्यंत किंवा त्याहून अधिक अथवा शेतमालाच्या बाबतीत १० रुपयांच्या मर्यादेपर्यंत किंवा त्याहून अधिक नुकसान करण्याच्या उद्देशाने विस्तव किंवा स्फोटक पदार्थ यांद्वारे आगळीक करणे.
शिक्षा :७ वर्षाचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र.
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——-
जर कोणी विस्तव किंवा कोणताही स्फोटक पदार्थ यांच्याद्वारे आगळीक केली आणि त्यामागे शंभर रुपये किंवा त्याहून अधिक रकमेपर्यंत १.(अथवा (मालमत्ता ही शेतमाल असेल त्या बाबतीत) दहा रुपये किंवा त्याहून अधिक रकमेपर्यंत) कोणत्याही मालमत्तेचे नुकसान करण्याचा त्याचा उद्देश असेल, अथवा त्यायोगे तसे नुकसान होण्यास आपण कारण होण्याचा संभव असल्याची त्याला जाणीव असेल तर त्याला, सात वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
——-
१. १८८२ चा अधिनियम ८ – कलम १० द्वारे हा मजकूर समाविष्ट करण्यात आला.
