भारतीय दंड संहिता १८६०
कलम ४३० :
पाटबंधाऱ्याच्या कामाची खराबी करुन किंवा गैरपणे पाण्याची दिशा बदलून आगळीक करणे:
(See section 326(a) of BNS 2023)
अपराधाचे वर्गीकरण :
अपराध : शेतकी प्रयोजने, इत्यादी करिता लागणाऱ्या पाण्याचा पुरवठा जेणे करुन कमी होई अशा प्रकारे आगळीक करणे.
शिक्षा :५ वर्षांचा कारावास किंवा द्रव्यदंड किंवा दोन्ही.
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र.
शमनीय / अशमनीय : हानी किंवा नुकसान झालेली व्यक्ती.
कोणत्या नायालयात विचारणीय :प्रथम वर्ग दंडाधिकारी.
——-
शेतीच्या प्रयोजनासाठी अथवा माणसांना किंवा जी मालमत्ता असेल अशा जनावरांच्या खुराकासाठी किंवा त्यांना पिण्यासाठी अथवा स्वच्छतेसाठी, अथवा कोणतीही वस्तुनिर्मिती चालू ठेवण्यासाठी लागणाऱ्या पाण्याच्या पुरवठ्यामध्ये ज्या कृतीमुळे घट होेते, किंवा जिच्यामुळे तशी घट होण्याचा संभव असल्याची स्वत:ला जाणीव आहे अशी कोणतीही कृती करुन जो कोणी आगळीक करील त्याला पाच वर्षेपर्यंत असू शकेल इतक्या मुदतीच्या कोणत्या तरी एका वर्णनाच्या कारावासाची, किंवा द्रव्यदंडाची, किंवा दोन्ही शिक्षा होतील.
