भारतीय दंड संहिता १८६०
कलम ४०७ :
परिवाहक, इत्यादींनी केलेला फौजदारीपात्र (आपराधिक) न्यासभंग :
(See section 316(3) of BNS 2023)
अपराधाचे वर्गीकरण :
अपराध : परिवाहक, मालधक्कावाला, इत्यादींनी केलेला फौजदारीपात्र न्यासभंग.
शिक्षा :७ वर्षाचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : ज्या संपत्तिबाबत न्यासभंग करण्यात आला तिचा मालक.
कोणत्या नायालयात विचारणीय :प्रथम वर्ग दंडाधिकारी.
——-
परिवाहक मालधक्कावाला किंवा वखारपाल म्हणून स्वत:कडे मालमत्ता विश्वासाने सोपविण्यात आलेली असताना, जो कोणी अशा मालमत्तेच्या संबंधात फौजदारीपात्र न्यासभंग करील त्याला, सात वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
