भारतीय दंड संहिता १८६०
कलम ३७३ :
वेश्या व्यवसाय, इ. प्रयोजनार्थ अज्ञान व्यक्तीची खरेदी करणे :
(See section 99 of BNS 2023)
अपराधाचे वर्गीकरण :
अपराध : त्याच प्रयोजनांकरिता अज्ञान व्यक्तीची खरेदी करणे किंवा तिचा कब्जा मिळवणे.
शिक्षा :१० वर्षाचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र
शमनीय / अशमनीय : अशमनीय
कोणत्या नायालयात विचारणीय :सत्र न्यायालय.
——-
कोणत्याही १.(अठरा वर्षे वयाखालील व्यक्तीला वेश्या व्यवसायाच्या किंवा कोणत्याही व्यक्तींशी विधिनिषिद्ध संभोग करण्याच्या प्रयोजनार्थ किंवा कोणत्याही बेकायदेशीर आणि अनैतिक प्रयोजनार्थ कोणत्याही वयाला कामी लावले जावे किंवा त्यासाठी तिचा वापर केला जावा या उद्देशाने अथवा अशी व्यक्ती अशा कोणत्याही प्रयोजनार्थ कोणत्याही वयाला कामी लावण्यात येईल किंवा त्यासाठी तिचा वापर करण्यात येईल तसा संभव असल्याची स्वत:ला जाणीव असताना) जो कोणी अशा व्यक्तीची खरेदी करील, तिला भाड्याने घेईल किंवा तिचा अन्यता कब्जा मिळवील त्याला, दहा वर्षेपर्यंन्त असू शकेल इतक्या मुदतीच्या कोणत्यातरी एका वर्णनाच्या कारावासाची शिक्षा होर्ईल व तो द्रव्यदंडासही पात्र होईल.
२.(स्पष्टीकरण एक :
जी कोणतीही वेश्या व्यक्ती किंवा वेश्यागृह बाळगणारी किंवा त्याची व्यवस्था पाहणारी कोणतीही व्यक्ती अठरा वर्षे वयाखालील स्त्रीची खरेदी करील, तिला भाड्याने घेईल किंवा तिचा अन्यथा कब्जा मिळवील त्या व्यक्तीने, वेश्या व्यवसायासाठी अशा स्त्रीचा उपभोग केला जावा अशा उद्देशाने तिचा कब्जा मिळवला असे, त्याविरुद्ध शाबीत करण्यात येईपर्यन्त, गृहीत धरण्यात येईल.
स्पष्टीकरण दोन :
विधिनिषिद्ध संभोग याला कलम ३७२ मध्ये दिल्याप्रमाणे तोच अर्थ असेल.)
———
१. १९२४ चा अधिनियम १८ – कलम २ द्वारे विवक्षित मजकूराऐवजी समाविष्ट करण्यात आले.
२. १९२४ चा अधिनियम १८ – कलम ४ द्वारे समाविष्ट करण्यात आले.
