भारतीय दंड संहिता १८६०
कलम ३६६-अ:
१.(अज्ञान मुलगी अनैतिक कृत्यासाठी मिळवणे :
(See section 96 of BNS 2023)
अपराधाचे वर्गीकरण :
अपराध : अज्ञान मुलगी अनैतिक कृत्यासाठी मिळवणे.
शिक्षा :१० वर्षाचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र
शमनीय / अशमनीय : अशमनीय
कोणत्या नायालयात विचारणीय :सत्र न्यायालय.
——-
अठरा वर्षे वयाखालील कोणत्याही अज्ञान मुलीवर दुसऱ्या व्यक्तीशी विधिनिषिद्ध संभोग करण्याची बळजबरी करता यावी किंवा त्यासाठी तिला फूस लावता यावी या उद्देशाने अथवा तिच्यावर तशी बळजबरी होईल किंवा तिला त्यासाठी फूस लावण्यात येईल असा संभव असल्याची स्वत:ला जाणीव असताना, कोणत्याही उपायांनी जो कोणी अशा मुलीला एखाद्या ठिकाणाहून दूर जाण्यास किंवा कोणतीही कृती करण्यास प्रवृत्त करील त्याला दहा वर्षापर्यंत असू शकेल इतक्या मुदतीच्या कारावासाची शिक्षा होईल व तो द्रव्यदंडासही पात्र होईल.)
——–
१. १९२३ चा अधिनियम २० – कलम ३ द्वारे समाविष्ट करण्यात आले.
