भारतीय दंड संहिता १८६०
कलम ३४५:
ज्या व्यक्तीच्या मुक्ततेसाठी प्राधिलेख काढण्यात आला असेल अशा व्यक्तीस गैरपणे परिरुद्ध करुन ठेवणे :
(See section 127(5) of BNS 2023)
अपराधाचे वर्गीकरण :
अपराध : कोणत्याही व्यक्तीच्या मुक्ततेकरिता प्राधिलेख काढलेला आहे हे माहीत असताना, त्या व्यक्तीस गैरपणे परिरुद्ध करुन ठेवणे.
शिक्षा :कोणत्याही कलमाखालील कारावासा व्यतिरिक्त २ वर्षांचा कारावास.
दखलपात्र / अदखलपात्र :दखलपात्र
जामीनपात्र / अजामीनपात्र :जामीनपात्र.
शमनीय / अशमनीय : अशमनीय.
कोणत्या नायालयात विचारणीय :प्रथम वर्ग दंडाधिकारी.
——-
एखाद्या व्यक्तीच्या सुटकेसाठी रीतसर प्राधिलेख काढण्यात आला आहे हे माहीत असून जो कोणी त्या व्यक्तीला गैरपरणे परिरुद्ध करुन ठेवील त्याला, या प्रकरणातील अन्य कोणत्याही कलमान्वये तो ज्यास पात्र असेल अशा कोणत्याही मुदतीच्या कारावासाशिवाय अधिक (आणखी) दोन वर्षेपर्यंत असू शकेल इतक्या मुदतीच्या कोणत्या तरी एका वर्णनाच्या कारावासाची शिक्षा होईल.
