भारतीय दंड संहिता १८६०
कलम ३२७:
मालमत्ता जबरीने घेण्यासाठी किंवा अवैध कृती करण्यास जबरीने भाग पाडण्यासाठी इच्छापूर्वक दुखापत पोचवणे:
(See section 119 of BNS 2023)
अपराधाचे वर्गीकरण :
अपराध : मालमत्ता किंवा मूल्यवान रोखा जबरीने घेण्यासाठी अथवा जे अवैध आहे किंवा ज्यामुळे एखादा अपराध करणे सुकर होऊ शकेल असे काहीही करण्यास जबरीने भाग पाडण्यासाठी इच्छापूर्वक दुखापत पोचवणे.
शिक्षा :१० वर्षाचा कारावास व द्रव्यदंड.
दखलपात्र / अदखलपात्र :दखलपात्र
जामीनपात्र / अजामीनपात्र :अजामीनपात्र
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——-
जर कोणी इच्छापूर्वक एखाद्या व्यक्तीला दुखापत पोचवली आणि त्यामागे ती पीडित व्यक्ती किंवा त्या पीडित व्यक्तीमध्ये हितसंबंध असलेली कोणतीही व्यक्ती यांच्या कडून कोणतीही मालमत्ता किंवा मूल्यवान रोखा जबरीने घेण्याचा अथवा जे अवैध आहे किंवा ज्यामुळे अपराध करणे सुकर होऊ शकेल असे काही तरी करण्यास पीडित व्यक्तीला किंवा अशा पीडित व्यक्तींमध्ये हितसंबंध असलेल्या कोणत्याही व्यक्तीला जबरीने भाग पाडण्याचा इरादा (उद्देश) असेल तर, त्याला दहा वर्षेपर्यंन्त असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल आणि तो द्रव्यदंडासही पात्र होईल.
