भारतीय दंड संहिता १८६०
कलम २४८ :
एखादे नाणे निराळ्या वर्णनाचे नाणे म्हणून खपून जावे या उद्देशाने त्या नाण्याचे रूप बदलणे :
(See section 178(5) of BNS 2023)
अपराधाचे वर्गीकरण :
अपराध : कोणतेही नाणे निराळ्या वर्णनाचे नाणे म्हणून खपून जावे या उद्देशाने त्या नाण्याचे रुप बदलणे.
शिक्षा :३ वर्षांचा कारावास व द्रव्यदंड
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
——-
जो कोणी कोणत्याही नाण्यावर, उक्त (सदरचे) नाणे निराळ्या (वेगळ्या) वर्णनाचे नाणे म्हणून खपून जावे या उद्देशाने त्यावर ज्यामुळे त्या नाण्याचे रुप बदलेल अशी कोणतीही क्रिया करील तर त्याला, तीन वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल आणि तो द्रव्यदंडासही पात्र होईल.
