भारतीय दंड संहिता १८६०
कलम २३८ :
नकली भारतीय नाण्याची आयात किंवा निर्यात :
(See section 179 of BNS 2023)
अपराधाचे वर्गीकरण :
अपराध : भारतीय नकली नाण्याची आयात किंवा निर्यात – ते नकली असल्याचे माहित असताना.
शिक्षा :आजीवन कारावास किंवा १० वर्षाचा कारावास व द्रव्यदंड.
दखलपात्र / अदखलपात्र :दखलपात्र.
जामीनपात्र / अजामीनपात्र :अजामीनपात्र.
शमनीय / अशमनीय : अशमनीय
कोणत्या नायालयात विचारणीय :सत्र न्यायालय.
——-
जो कोणी कोणतेही नकली नाणे ते १.(भारतीय नाण्याची) नक्कल आहे हे माहीत असाताना, किंवा तसे समजण्यास कारण असताना २.(भारतात) आयात करील, अगर तेथून निर्यात करील त्याला ३.(आजीवन कारावासाची) किंवा दहा वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल आणि तो द्रव्यदंडासही पात्र होईल.
——–
१. अनुकूलन आदेश १९५० द्वारे क्वीनचे नाणे याऐवजी समाविष्ट करण्यात आले.
२. अनुकूलन आदेश १९४८, अनुकूलन आदेश १९५० व १९५१ चा अधिनियम ३ – कलम ३ व अनुसूची यांद्वारे ब्रिटिश इंडिया याऐवजी समाविष्ट करण्यात आले.
३. १९५५ चा अधिनियम २६ – कलम ११७ व अनुसूची याद्वारे जन्मठेप काळे पाणी याऐवजी समाविष्ट करण्यात आले.
