भारतीय दंड संहिता १८६०
कलम २०३ :
घडलेल्या अपराधाबाबत खोटी माहिती देणे :
(See section 240 of BNS 2023)
अपराधाचे वर्गीकरण :
अपराध : घडलेल्या अपराधाबाबद खोटी माहिती देणे.
शिक्षा :२ वर्षांचा कारावास, किंवा द्रव्यदंड किंवा दोन्ही.
दखलपात्र / अदखलपात्र :अदखलपात्र.
जामीनपात्र / अजामीनपात्र :जामीनपात्र.
शमनीय / अशमनीय : अशमनीय
कोणत्या नायालयात विचारणीय :कोणताही दंडाधिकारी.
——–
अपराध घडलेला आहे हे माहीत असून, किंवा तसे समजण्यास कारण असून, जो कोणी त्या अपराधाविषयी जी माहिती खोटी असल्याचे त्याला माहीत आहे किंवा तसे तो समजतो अशी कोणतीही माहिती देईल त्याला, दोन वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा किंवा द्रव्यदंडाची किंवा दोन्ही शिक्षा होतील.
१.(स्पष्टीकरण :
कलम २०१, २०२ आणि हे कलम यामधील अपराध या शब्दामध्ये २.(भारताबाहेरील) कोणत्याही ठिकाणी करण्यात आलेली जी कोणतीही कृती २.(भारतात) केली, तर पुढीलपैकी कोणत्याही कलमाखाली शिक्षेस पात्र ठरू शकेल, त्या कृतीचा समावेश आहे. ती कलमे अशी- ३०२, ३०४, ३८२, ३९२, ३९३, ३९४, ३९५, ३९६, ३९७, ३९८, ३९९, ४०२, ४३५, ४३६, ४४९, ४५०, ४५७, ४५८, ४५९ आणि ४६०.)
——–
१. १८९४ चा अधिनियम ३ – कलम ६ द्वारे भर घालण्यात आली.
२. अनुकूलन आदेश १९४८, अनुकूलन आदेश १९५० आणि १९५१ चा अधिनियम ३ – कलम ३ व अनुसूची यांद्वारे ब्रिटिश इंडिया याऐवजी समाविष्ट करण्यात आले.
