भारतीय दंड संहिता १८६०
कलम ३४७:
मालमत्ता जबरीने घेण्यासाठी किंवा अवैध कृती करण्यास जबरीने भाग पाडण्यासाठी गैर परिरोध :
(See section 127(7) of BNS 2023)
अपराधाचे वर्गीकरण :
अपराध : मालमत्ता जबरीने घेण्यासाठी किंवा अवैध कृती, इत्यादी करण्यास जबरीने भाग पाडण्यासाठी गैर परिरोध.
शिक्षा :३ वर्षांचा कारावास व द्रव्यदंड
दखलपात्र / अदखलपात्र :दखलपात्र
जामीनपात्र / अजामीनपात्र :जामीनपात्र.
शमनीय / अशमनीय : अशमनीय.
कोणत्या नायालयात विचारणीय :कोणताही दंडाधिकारी.
——-
जर कोणी एखाद्या व्यक्तीस गैरपणे परिरुद्ध केले आणि त्यामागे, त्या परिरुद्ध व्यक्तीकडून किंवा परिरुद्ध व्यक्तीमध्ये हितसंबंधित असलेल्या कोणत्याही व्यक्तीकडून कोणतीही मालमत्ता किंवा मूल्यवान रोखा जबरीने घेण्याचा अथवा अवैध असे काहीतरी करण्यास किंवा ज्यामुळे अपराध करणे सुकर होऊ शकेल अशी कोणतीही माहिती देण्यास परिरुद्ध व्यक्ती किंवा अशा व्यक्तीमध्ये हितसंबंधित असलेली कोणतीही व्यक्ती यांना जबरीने भाग पाडण्याचा त्याचा इरादा असेल तर, त्याला तीन वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
