भारतीय न्याय संहिता २०२३
कलम ८१ :
एखाद्या पुरुषाने कायदेशीर विवाह झाल्याचा समज लबाडीने निर्माण करुन दांपत्यभावाने सहवास घडवून आणणे :
कलम : ८१
अपराधाचे वर्गीकरण :
अपराध : पुरुषाने कायदेशीर विवाह झाल्याचा समज लबाडीने निर्माण करुन दांपत्यभावाने सहवास घडवून आणणे.
शिक्षा : दहा वर्षाचा कारावास आणि द्रव्यदंड.
दखलपात्र / अदखलपात्र : अदखलपात्र
जामीनपात्र / अजामीनपात्र : अजामीनपात्र.
शमनीय / अशमनीय : अशमनीय
कोणत्या नायालयात विचारणीय : प्रथम वर्ग दंडाधिकारी
———
जी स्त्री आपल्याशी कायदेशीरपणे विवाहबद्ध झालेली नाही तिचा, आपल्याशी ती कायदेशीरपणे विवाहबद्ध झालेली आहे, असा लबाडीने समज करुन देऊन, तशा समजुतीत तिला आपल्याबरोबर दांपत्यभावाने राहण्यास किंवा लैंगिक संभोग करण्यास जो पुरुष भाग पाडतो, त्या प्रत्येक पुरुषाला दहा वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
