भारतीय न्याय संहिता २०२३
कलम ३५२ :
शांतताभंग घडवून आणण्याच्या उद्देशाने अपमान करणे:
कलम : ३५२
अपराधाचे वर्गीकरण :
अपराध : शांतताभंग घडवून आणण्याच्या उद्देशाने अपमान करणे.
शिक्षा : २ वर्षांचा कारावास किंवा द्रव्यदंड किंवा दोन्ही.
दखलपात्र / अदखलपात्र : अदखलपात्र.
जामीनपात्र / अजामीनपात्र : जामीनपात्र
शमनीय / अशमनीय : अपमान झालेली व्यक्ती.
कोणत्या नायालयात विचारणीय : कोणताही दंडाधिकारी.
———
जर कोणी कोणत्याही प्रकारे उद्देशपूर्वक अपमान करुन त्यायोगे कोणत्याही व्यक्तीला प्रक्षोभित करेल आणि अशा प्रक्षोभनामुळे तिच्याकडून सार्वजनिक शांततेचा भंग व्हावा, किंवा अन्य कोणताही अपराध घडावा असा त्यामागे त्याचा उद्देश असेल, किंवा तसे होण्याचा संभव असल्याची त्याला जाणीव असेल, तर त्याला दोन वर्षांपर्यंत असू शकेल इतक्या मुदतीची कोणत्या तरी एका वर्णनाच्या कारावासाची, किंवा द्रव्यदंडाची, किंवा दोन्ही शिक्षा होतील.
