भारतीय न्याय संहिता २०२३
कलम ३३४ :
आतमध्ये मालमत्ता असलेले पात्र अप्रामाणिकपणाने फोडून (तोडून) उघडणे :
कलम : ३३४ (१)
अपराधाचे वर्गीकरण :
अपराध : आतमध्ये मालमत्ता असलेले किंवा ज्याच्या आत ती आहे असा समज असेल असे कोणतेही बंद पात्र अप्रामाणिकपणे फोडून उघडणे किंवा सोडून उघडणे.
शिक्षा : २ वर्षांचा कारावास किंवा द्रव्यदंड, किंवा दोन्ही
दखलपात्र / अदखलपात्र : दखलपात्र.
जामीनपात्र / अजामीनपात्र : अजामीनपात्र.
शमनीय / अशमनीय : अशमनीय
कोणत्या नायालयात विचारणीय : कोणताही दंडाधिकारी.
———
कलम : ३३४ (२)
अपराधाचे वर्गीकरण :
अपराध : आतमध्ये कोणतीही मालमत्ता असलेले किंवा ज्याच्या आत ती आहे असा समज असेल असे कोणतेही बंध पात्र सोपवण्यात आलेले असताना ते कपटपणाने उघडणे.
शिक्षा : ३ वर्षांचा कारावास किंवा द्रव्यदंड, किंवा दोन्ही
दखलपात्र / अदखलपात्र : दखलपात्र.
जामीनपात्र / अजामीनपात्र : जामीनपात्र.
शमनीय / अशमनीय : अशमनीय
कोणत्या नायालयात विचारणीय : कोणताही दंडाधिकारी.
———
१) ज्यामध्ये मालमत्ता आहे, किंवा ती ज्यात आहे असे स्वत: समजतो असे कोणतेही बंद पात्र जो कोणी अप्रामणिकपणाने, किंवा आगळीक करण्याच्या उद्देशाने फोडून, किंवा सोडून उघडील त्याला दोन वर्षांपर्यंत असू शकेल इतक्या मुदतीची कोणत्या तरी एका वर्णनाच्या कारावासाची, किंवा द्रव्यदंडाची, किंवा दोन्ही शिक्षा होतील.
२) ज्यामध्ये मालमत्ता आहे किंवा ज्यात आहे असे स्वत: समजतो असे कोणतेही बंद पात्र स्वत:कडे विश्वासाने सोपविण्यात आले असून, ते उघडण्याचा प्राधिकार स्वत:ला नसताना जो कोणी अप्रामाणिकपणाने किंवा आगळीक करण्याच्या उद्देशाने ते पात्र फोडून किंवा सोडून उघडील त्याला, तीन वर्षांपर्यंत असू शकेल इतक्या मुदतीची कोणत्या तरी एका वर्णनाच्या कारावासाची किंवा द्रव्यदंडाची किंवा दोन्ही शिक्षा होतील.
