भारतीय न्याय संहिता २०२३
कलम ३०६ :
कारकुनाने किंवा चाकराने मालकाच्या कब्जातील मालमत्तेची चोरी करणे :
कलम : ३०६
अपराधाचे वर्गीकरण :
अपराध : कारकुनाने किंवा चाकराने मालकाच्या किंवा नियोक्त्याच्या कब्जातील मालमत्तेची चोरी करणे.
शिक्षा : ७ वर्षाचा कारावास व द्रव्यदंड.
दखलपात्र / अदखलपात्र : दखलपात्र.
जामीनपात्र / अजामीनपात्र : अजामीनपात्र.
शमनीय / अशमनीय : चोरीच्या संपत्तीचा मालक.
कोणत्या नायालयात विचारणीय : कोणताही दंडाधिकारी.
———
जो कोणी स्वत: कारकून किंवा चाकर असताना, अथवा कारकून किंवा चाकर या नात्याने कामावर लावलेला असताना, त्याच्या मालकाच्या किंवा नियोक्त्याच्या कब्जातील कोणत्याही मालमत्तेच्या संबंधात चोरी करील त्याला, सात वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची शिक्षा होईल व तो द्रव्यदंडासही पात्र होईल.
