भारतीय दंड संहिता १८६०
कलम ३३५:
प्रक्षोभकारणामुळे (चिथावणीमुळे) इच्छापूर्वक जबर दुखापत पोचवणे :
(See section 122 of BNS 2023)
अपराधाचे वर्गीकरण :
अपराध : गंभीर व आकस्मिक प्रक्षोभकारणामुळे जबर दुखापत पोचवणे – ज्या व्यक्तीने प्रक्षोभित केले तिच्याहून अन्य कोणत्याही व्यक्तीला दुखापत पोचवण्याचा उद्देश नसताना.
शिक्षा :४ वर्षाचा कारावास, किंवा २००० रुपये द्रव्यदंड किंवा दोन्ही.
दखलपात्र / अदखलपात्र :दखलपात्र
जामीनपात्र / अजामीनपात्र :जामीनपात्र
शमनीय / अशमनीय : जिला दुखापत पोचवण्यात आली ती व्यक्ती.
कोणत्या नायालयात विचारणीय :प्रथम वर्ग दंडाधिकारी.
——-
जो कोणी गंभीर व आकस्मिक प्रक्षोभकारणामुळे (चिथावणीमुळे) १.(इच्छापूर्वक) जबर दुखापत पोचवील त्याला, ज्या व्यक्तीने प्रक्षोभित केले अशा व्यक्तीहून अन्य कोणत्याही व्यक्तीस, जबर दुखापत पोचवण्याचा त्याचा उद्देश नसेल किंवा जबर दुखापत होण्यास आपण कारण होण्याचा संभव असल्याची त्याला जाणीव नसेल तर त्याला, चार वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची, किंवा दोन हजार रुपयांपर्यंत असू शकेल इतक्या द्रव्यदंडाची किंवा दोन्ही शिक्षा होतील.
स्पष्टीकरण :
लगतपूर्वीची दोन कलमेही कलम ३०० च्या अपवाद १ प्रमाणे त्याच परंतुकास अधीन आहेत.
——-
१. १८८२ च्या अधिनियम ८ – कलम ८ द्वारे हा शब्द समाविष्ट करण्यात आला.
