गुंगीकारक औषधी द्रव्ये व मनोव्यापारांवर परिणाम करणारे पदार्थ अधिनियम १९८५
प्रकरण ४ :
अपराध व शिक्षा :
कलम १५ :
अफू गवताच्या बाबत उल्लंघन केल्याबद्दल शिक्षा :
जी कोणी व्यक्ती या अधिनियमाच्या तरतुदीचे किंवा त्याखाली तयार करण्यात आलेल्या कोणत्याही नियमाचे किंवा आदेशाचे किंवा त्याअन्वये देण्यात आलेल्या कोणत्याही अनुज्ञप्तीच्या शर्तींचे उल्लंघन करून अफू गवताचे उत्पादन करील किंवा ते ताब्यात ठेवील, त्याची ने-आण करील, राज्याराज्यांत त्याची आयात किंवा निर्यात करील, विक्री करील, खरेदी करील, वापरील किंवा ते वखारीत ठेवण्यात कसूर करील किंवा वखारीत ठेवलेले अफूगवत तेथून हालवील किंवा त्याबाबतीत कोणतीही कृती करील ती-
अ) अल्प मात्राच्या उल्लघंनाकरिता, सहा महिन्यापर्यंत सक्त मजूरीच्या कैदेस किंवा दहा हजार रूपये पर्यंत दंड किंवा दोन्ही शिक्षांकरिता पात्र ठरेल.
ब) व्यापारी मात्रा पेक्षा कमी परंतु अल्पमात्रा जास्त मात्राच्या उल्लंघनाकरिता दहा वर्षापर्यंतच्या सक्त मजूरीच्या कैदेस आणि एक लाख रूपये पर्यंत दंडाच्या शिक्षेस पात्र ठरेल.
क) व्यापारी मात्राच्या उल्लंघनाकरिता, दहा वर्षापेक्षा कमी असणार नाही परंतु विस वर्षापर्यंतच्या सक्त मजुरीच्या कैदेस आणि एक लाख रूपयाहून कमी नसेल इतक्या परंतू रूपये दोन लाख पर्यंत वाढविता येईल इतक्या रकमेच्या दंडासही पात्र ठरेल.
तथापि न्यायालयाला न्यायनिर्णयात कारण नमूद करून दंडाची रक्कम दोन लाख रूपयांपेक्षाही वाढविता येईल.
