भारतीय न्याय संहिता २०२३
प्रकरण १३ :
लोकसेवकांच्या कायदेशीर प्राधिकाराच्या अवमानांविषयी :
कलम २०६ :
समन्सची बजावणी किंवा इतर कार्यवाही टाळण्यासाठी फरारी होणे :
कलम : २०६ (क) (अ)
अपराधाचे वर्गीकरण :
अपराध : लोकसेवकाकडून होणारी समन्सची बजावणी किंवा इतर कार्यवाही टाळण्यासाठी फरारी होणे.
शिक्षा : १ महिन्याचा साधा कारावास किंवा ५००० रुपये द्रव्यदंड किंवा दोन्ही.
दखलपात्र / अदखलपात्र : अदखलपात्र.
जामीनपात्र / अजामीनपात्र : जामीनपात्र
शमनीय / अशमनीय : अशमनीय.
कोणत्या नायालयात विचारणीय : कोणताही दंडाधिकारी.
———
कलम : २०६ (ख) (ब)
अपराधाचे वर्गीकरण :
अपराध : जर समन्सद्वारे किंवा नोटीशीद्वारे न्यायालयात हजर राहणे, इत्यादी आवश्यक केले असेल तर.
शिक्षा : ६ महिन्याचा साधा कारावास किंवा १०००० रुपये द्रव्यदंड किंवा दोन्ही.
दखलपात्र / अदखलपात्र : अदखलपात्र.
जामीनपात्र / अजामीनपात्र : जामीनपात्र
शमनीय / अशमनीय : अशमनीय.
कोणत्या नायालयात विचारणीय : कोणताही दंडाधिकारी.
———
लोकसेवक म्हणून समन्स, नोटीस किंवा आदेश काढण्यास विधित: (कायद्याने) सक्षम असलेल्या अशा कोणत्याही लोकसेवकाकडून निघालेले असे समन्स नोटीस अगर आदेश यांची आपल्यावर होणारी बजावणी टाळण्यासाठी जो कोणी फरारी होईल, –
(a) क) (अ) त्यास एक महिन्यापर्यंत असू शकेल इतक्या मुदतीची साध्या कारावासाची, किंवा पाच हजार रूपयांपर्यंत असू शकेल इतक्या द्रव्यदंडाची, किंवा दोन्ही शिक्षा होतील;
(b) ख) (ब) जर असे समन्स, नोटीस किंवा आदेश न्यायालयात जातीने किंवा अभिकर्त्यामार्फत (एजंटातर्फे) हजर राहण्याविषयी अथवा एखादा दस्तऐवज किंवा इलेक्ट्रॉनिक अभिलेख हजर करण्याविषयी असेल तर, त्याला सहा महिन्यांपर्यंत असू शकेल इतक्या मुदतीच्या साध्या कारावासाची, किंवा दहा हजार रूपयांपर्यंत असू शकेल इतक्या द्रव्यदंडाची, किंवा दोन्ही शिक्षा होतील.
