मानवी हक्क संरक्षण अधिनियम १९९३
कलम २८ :
राज्य आयोगाचे वार्षिक व विशेष अहवाल :
१) राज्य आयोग, राज्य शासनाला वार्षिक अहवाल सादर करील आणि कोणतीही बाब वार्षिक अहवाल सादर करीपर्यंत लांबणीवर टाकण्यात येऊ नये इतक्या तातडीची किंवा महत्वाची आहे, असे आयोगास वाटत असेल तर, अशा कोणत्याही बाबीसंबंधातील विशेष अहवाल, राज्य आयोग कोणत्याही वेळी सादर करील.
२) राज्य शासन, राज्य आयोगाचे वार्षिक व विशेष अहवाल, जेथे राज्य विधान मंडळ दोन सभागृहाचे मिळून बनलेले असेल तेथे, त्याच्या प्रत्येक सभागृहासमोर, किंवा जेथे ते एका सभागृहाचे मिळून बनलेले असेल तेथे त्या, सभागृहासमोर, राज्य आयोगाकडून शिफारशींवर करण्यात आलेल्या किंवा प्रस्तावित केलेल्या कार्यवाहीच्या ज्ञापनासह आणि शिफारशी अस्वीकृत केल्यास त्याबाबतच्या कारणांसह मांडण्याची व्यवस्था करील.
