पारपत्र अधिनियम १९६७
कलम ८ :
१.(पासपोर्टाच्या मुदतीत वाढ करणे :
जेव्हा एखादा पासपोर्ट कलम ७ अन्वये विहित केलेल्या कालावधीपेक्षा कमी कालावधीसाठी देण्यात आला असेल, तेव्हा पासपोर्ट प्राधिकरणाने अन्यथा ठरवले असेल आणि त्याबद्दलची कारणे लेखी नमूद केली असतील त्याव्यतिरिक्त एरव्ही, असा कमी कालावधी आणखी वाढविता येईल (मात्र, असा कमी कालावधी व वाढविलेला कालावधी मिळून एकूण कालावधी विहित कालावधीपेक्षा अधिक होता कामा नये) आणि या अधिनियमाचे उपबंध पासपोर्ट मंजूर करण्याबाबत जसे लागू होतात, तसेच ते या वाढीव कालावधीला लागू होतील .)
——-
१. १९९३ चा अधिनियम क्रमांक ३५ याच्या कलम ३ अन्वये मूळ कलमाऐवजी समाविष्ट करण्यात आले.
