Posh act 2013
कलम १८ :
अपील :
(१) कलम १३ च्या पोटकलम (२) अन्वये किंवा कलम १३ च्या पोटकलम (३) च्या खंड (एक) किंवा खंड (दोन) अन्वये किंवा कलम १४ च्या पोटकलम (१) किंवा पोटकलम (२) अन्वये किंवा कलम १७ अन्वये केलेल्या शिफारशींमुळे किंवा अशा शिफारशींची अंमलबजावणी न केल्यामुळे व्यथित झालेली कोणतीही व्यक्ती, उक्त व्यक्तीस लागू असलेल्या सेवा नियमांच्या तरतुदींन्वये न्यायालयाकडे किंवा न्यायाधिकरणाकडे अपील करू शकेल किंवा जेव्हा असे सेवानियम अस्तित्वात नसतील तेव्हा, त्या त्या वेळी अंमलात असलेल्या अन्य कोणत्याही कायद्यामध्ये अंतर्भूत असलेल्या तरतुदींना बाध न करता, व्यथित व्यक्ती, विहित करण्यात येईल अशा रीतीने अपील करू शकेल.
(२) पोटकलम (१) खालील अपील, शिफारशी केल्याच्या तारखेपासून नव्वद दिवसांच्या आत करण्यात येईल.