गुंगीकारक औषधी द्रव्ये व मनोव्यापारांवर परिणाम करणारे पदार्थ अधिनियम १९८५
कलम ५ :
केंद्र सरकारचे अधिकारी :
१) कलम ४ चे पोटकलम (३) च्या तरतुदींना बाधा न पोचविता केंद्र सरकार गुंगीकारक औषधी द्रवये आयुक्ताची नेमणू करील आणि केंद्र सरकारला या अधिनियमाच्या प्रयोजनांकरिता त्याला योग्य वाटतील अशा पदनामांच्या इतर अधिकाऱ्यांचीदेखील नेमणूक करता येईल.
२) गुंगीकारक औषधी द्रवये आयुक्त स्वत: किंवा त्याच्या हाताखालील अधिकाऱ्यांमार्फत अफूच्या झाडाची लागवड आणि अफूचे उत्पादन यांच्या देखरेखीच्या बाबतचे सर्व अधिकार बजावील व सर्व कामे पार पाडील आणि केंद्र सरकार त्याच्याकडे सोपवील असे इतर अधिकार बजावील व कामे पार पाडील.
३) पोटकलम (१) नुसार नेमणूक झालेले अधिकारी केंद्र सरकारच्या किंवा त्या सरकारने सूचना दिल्यास मंडळाच्या किंवा इतर कोणत्याही प्राधिकरणाच्या किंवा इतर कोणत्याही प्राधिकरणाच्या किंवा अधिकाऱ्याच्या सर्वसाधारण नियंत्रणाच्या आणि मार्गदर्शनाच्या अधीन असतील.