गुंगीकारक औषधी द्रव्ये व मनोव्यापारांवर परिणाम करणारे पदार्थ अधिनियम १९८५
कलम २३ :
गुंगीकारक औषधी द्रव्य आणि मनोव्यापारावर परिणाम करणारे पदार्थ यांची बेकायदेशीरपणे भारतात आयात करणे, भारतातून निर्यात करणे किंवा ते एका जहाजातून दुसऱ्या जहाजात हलविणे याकरिता शिक्षा :
जी कोणी या अधिनियमाच्या तरतुदीचे किंवा त्याअन्वये करण्यात आलेल्या नियमाचे किंवा आदेशाचे किंवा त्याअन्वये देण्यात आलेल्या अनुज्ञप्तीच्या किंवा परवान्याच्या किंवा प्रमाणपत्राच्या किंवा प्राधिकरणपत्राच्या शर्तीचे उल्लंघन करून कोणत्याही गुंगीकारक औषधी द्रव्याची किंवा मनोव्यापारावर परिणाम करणाऱ्या पदार्थांची भारतात आयात करील किंवा भारतातून निर्यात करील किंवा ते एका जहाजातून दुसऱ्या जहाजात हालवील ती –
अ) अल्प मात्राच्या उल्लघंनाकरिता, सहा महिन्यापर्यंत सक्त मजूरीच्या कैदेस किंवा दहा हजार रूपये पर्यंत दंड किंवा दोन्ही शिक्षांकरिता पात्र ठरेल.
ब) व्यापारी मात्रा पेक्षा कमी परंतू अल्पमात्रा जास्त मात्राच्या उल्लंघनाकरिता दहा वर्षापर्यंतच्या सक्त मजूरीच्या कैदेस आणि एक लाख रूपये पर्यंत दंडाच्या शिक्षेस पात्र ठरेल.
क) व्यापारी मात्राच्या उल्लंघनाकरिता, दहा वर्षापेक्षा कमी असणार नाही परंतु विस वर्षापर्यंतच्या सक्त मजुरीच्या कैदेस आणि एक लाख रूपयाहून कमी नसेल इतक्या परंतु रूपये दोन लोख पर्यंत वाढविता येईल इतक्या रकमेच्या दंडासही पात्र ठरेल.
तथापी न्यायालयाला न्यायनिर्णयात कारण नमूद करून दंडाची रक्कम दोन लाख रूपयांपेक्षाही वाढविता येईल.