गुंगीकारक औषधी द्रव्ये व मनोव्यापारांवर परिणाम करणारे पदार्थ अधिनियम १९८५
कलम १९ :
लागवडकरांनी केलेल्या अफू अपहाराबद्दल शिक्षा :
केंद्र शासनाकरिता अफूची लागवड करण्यासाठी अनुज्ञप्ती देण्यात आलेल्या एखाद्या लागवडकाराने उत्पादन केलेल्या अफूचा किंवा तिच्या कोणत्याही भागाचा अपहार केला किंवा ती बेकायदेशीरपणे निकालात काढल्यास, दहा वर्षांपेक्षा कमी नाही; परंतु वीस वर्षांपर्यंत वाढविता येईल इतक्या मुदतीच्या सक्त मजुरीच्या तुरूंगवासाच्या शिक्षेस किंवा एक लाख रूपयांपेक्षा कमी नाही; परंतु दोन लाख रूपयांपर्यंत वाढविता येईल इतक्या रकमेच्या दंडास पात्र ठरेल.
परंतु, न्यायालयास न्यायनिर्णयात कारणे नमूद करून दोन लाख रूपयांपेक्षा अधिक रकमेचा दंड आकारता येईल.