मोटार वाहन अधिनियम १९८८
प्रकरण २ :
मोटार वाहनांच्या चालकांना लायसन देणे :
कलम ३ :
चालाकाच्या लायसनाची गरज :
१) कोणत्याही व्यक्तीने, तिला वाहन चालविण्यासाठी प्राधिकार देणारे, तिला देण्यात आलेले चालकाचे परिणामकारक लायसन धारण करीत असल्याशिवाय कोणत्याही सार्वजनिक ठिकाणी कोणतेही एखादे मोटार वाहन चालविता कामा नये आणि कोणत्याही व्यक्तीने तिच्या चालकाच्या लायसनमध्ये तिला विनिर्देशपूर्वक तसे अधिकार प्रदान करण्यात आल्याशिवाय (तिच्या स्वत:च्या वापरासाठी भाड्याने घेतलेली किंवा कलम ७५ च्या पोट-कलम (२) खालील कोणत्याही योजनेखाली भाड्याने घेतलेल्या किंवा भाड्याने दिलेल्या १.(मोटार कॅब किंवा मोटार सायकल) याखेरीज) एखादे परिवहन वाहन अशा प्रकारे चालविता कामा नये.
२) मोटार वाहन चालविण्याच्या बाबतीतील निदेश मिळालेल्या व्यक्तीला ज्या शर्तींच्या अधीनतेने पोट-कलम (१) लागू होणार नाही त्या शर्ती केंद्र सरकारकडून विहित करण्यात येतील अशा असतील.
———-
१. १९९४ चा अधिनियम क्रमाकं ५४ याच्या कलम ३ अन्वये मूळ मजकुराऐवजी समाविष्ट करण्यात आले.(१४ नोव्हेंबर १९९४ पासून).