मोटार वाहन अधिनियम १९८८
कलम १८७ :
अपघाताच्या संबंधातील अपराधाबद्दल शिक्षा :
जो कोणी कलम १३२, पोट-कलम (१) खंड १.((अ)) च्या किंवा कलम १३३ च्या किंवा कलम १३४ च्या तरतुदींचे पालन करणार नाही त्याला २.(सहा महिने) पर्यंत असू शकेल इतक्या मुदतीच्या तुरूंगवासाची किंवा ३.(पाच हजार रुपए) इतक्या दंडाची शिक्षा किंवा या दोन्ही शिक्षा होऊ शकेल किंवा या कलमाखालील अपराधाबद्दल त्याला पुन्हा दोषी ठरवण्यात आल्यास त्याला ४.(एक वर्ष) पर्यंत असू शकेल इतक्या मुदतीच्या तुरूंगवासाची किंवा ५.(दहा हजार रुपए) इतक्या दंडाची किंवा या दोन्ही शिक्षा होऊ शकतील.
————
१. २०१९ चा अधिनियम क्रमांक ३२ कलम ७० द्वारा (क) शब्दाऐवजी समाविष्ट करण्यात आले.
२. २०१९ चा अधिनियम क्रमांक ३२ कलम ७० द्वारा (तीन महिने) शब्दाऐवजी समाविष्ट करण्यात आले.
३. २०१९ चा अधिनियम क्रमांक ३२ कलम ७० द्वारा (पाचशे रुपए पर्यंत) शब्दाऐवजी समाविष्ट करण्यात आले.
४. २०१९ चा अधिनियम क्रमांक ३२ कलम ७० द्वारा (सहा महिने) शब्दाऐवजी समाविष्ट करण्यात आले.
५. २०१९ चा अधिनियम क्रमांक ३२ कलम ७० द्वारा (एक हजार रुपए पर्यंत) शब्दाऐवजी समाविष्ट करण्यात आले.