Mv act 1988 कलम १३६ : अपघातामध्ये गुंतलेल्या वाहनाची तपासणी :

मोटार वाहन अधिनियम १९८८
कलम १३६ :
अपघातामध्ये गुंतलेल्या वाहनाची तपासणी :
एखादे मोटार वाहन ज्यामध्ये गुंतलेले आहे असा अपघात घडला असेल, अशा वेळी राज्य शासनाने या बाबतीत प्राधिकृत केलेल्या कोणत्याही व्यक्तीला जर तशी आवश्यकता असेल, तर आपले अधिकारपत्र सादर करून त्या वाहनाची तपासणी करता येईल आणि त्या प्रयोजनासाठी कोणत्याही वाजवी वेळी कोणत्याही जागेत प्रवेश करता येईल आणि तपासणीसाठी ते वाहन हलविता येईल:
परंतु, वाहन अशा प्रकारे ज्या ठिकाणी हलविण्यात आले असेल, त्याबाबत वाहनाच्या मालकाला कळविण्यात आले पाहिजे आणि १.(औपचारिक गोष्टी पूर्ण करण्यात आल्यांनतर चोवीस तासाच्या आत ते वाहन त्याच्या मालकाकडे, चालकाकडे किंवा ते ताब्यात असणाऱ्या व्यक्तीकडे) परत करण्यात आले पाहिजे.
———
१. १९९४ चा अधिनियम क्रमांक ५४ याच्या कलम ४२ द्वारे मूळ मजकुराऐवजी समाविष्ट करण्यात आले.

Leave a Reply