भारतीय दंड संहिता १८६०
कलम ४२९ :
कितीही किमतीची गुरेढोरे इत्यादींना किंवा पन्नास रुपये किमतीच्या जनावरास ठार मारुन किंवा विकलांग करुन आगळीक करणे:
(See section 325 of BNS 2023)
अपराधाचे वर्गीकरण :
अपराध : कोणताही हत्ती, उंट, घोडा इत्यादी – मग त्याची किंमत कितीही असो – अथवा ५० रुपये किंवा अधिक किंमतीचे अन्यय कोणतेही जनावर यास ठार मारुन, त्याच्यावर विषप्रयोग करुन, त्याला विकलांग करुन किंवा निरुपयोगी करुन आगळीक करणे.
शिक्षा :५ वर्षांचा कारावास किंवा द्रव्यदंड किंवा दोन्ही.
दखलपात्र / अदखलपात्र :दखलपात्र.
जामीनपात्र / अजामीनपात्र :जामीनपात्र.
शमनीय / अशमनीय : गुरांचा किंवा जनावरांचा मालक
कोणत्या नायालयात विचारणीय :प्रथम वर्ग दंडाधिकारी.
——-
जो कोणी एखादा हत्ती, उंट, घोडा, खेचर, म्हैस, वळू, गाय किंवा बैल मग त्याची किंमत कितीही असो, अथवा पन्नास रुपये किंवा त्याहून अधिक किमतीचे अन्य कोणतेही जनावर याला ठार करुन, विकलांग करुन, किंवा निरुपयोगी करुन आगळीक करील त्याला, पाच वर्षेपर्यंत असू शकेल इतक्या मुदतीची कोणत्या तरी एका वर्णनाच्या कारावासाची, किंवा द्रव्यदंडाची, किंवा दोन्ही शिक्षा होतील.