हिंदू विवाह अधिनियम १९५५
दांपत्याधिकारांचे प्रत्यास्थापन व न्यायिक फारकत :
कलम ९ :
दांपत्याधिकाराचे प्रत्यास्थापन :
१.(***) जेव्हा पती किंवा पत्नी वाजवी सबब असल्याशिवाय दुसऱ्याच्या सहवासातून दूर झाली असेल तेव्हा, नाराज पक्षाला जिल्हा न्यायालयाकडे दांपत्याधिकारांच्या प्रत्यास्तापनासाठी विनंतीअर्ज करुन अर्ज करता येईल आणि अशा विनंतीअर्जात केलेली निवेदने सत्य असल्याबाबत व अर्ज मंजूर केला जाऊ नये असे कोणतेही वैध कारण नाही याबाबत खात्री झाल्यावर, न्यायालयाला तदनुसार दांपत्याधिकारांच्या प्रत्यास्थापनाचा हुकूमनामा करता येईल.
२.(स्पष्टीकरण :
अशा रीतीने सहवासातून दूर होण्यास वाजवी सबब होती किंवा कसे असा प्रश्न उद्भवेल त्याबाबतीत, वाजवी सबब असल्याचे सिद्ध करण्याची जबाबदारी, जी व्यक्ती सहवासातून दूर गेलेली असेल त्या व्यक्तीवर राहील.)
३.(***)
———-
१. १९७६ चा अधिनियम ६८ कलम ३ द्वारे (१) हा कंस व आकडा गाळला.
२. १९७६ चा अधिनियम ६८ कलम ३ द्वारे घातले.
३. १९७६ चा अधिनियम ६८ कलम ३ द्वारे पोट-कलम (२) गाळले.
