सिगारेट आणि इतर तंबाखू उत्पादने अधिनियम २००३
कलम २४ :
विवक्षित ठिकाणी किंवा अठरा वर्षांपेक्षा कमी वयाच्या व्यक्तीस सिगारेटची किंवा कोणत्याही इतर तंबाखू उत्पादनांची विक्री केल्याबद्दल शिक्षा :
(१) जी व्यक्ती कलम ६ च्या तरतुदींचे उल्लंघन करील ती व्यक्ती या अधिनियमाखालील अपराधाबद्दल दोषी ठरेल आणि दोनशे रूपयांपर्यंत असू शकेल इतक्या द्रव्यदंडाच्या शिक्षेस पात्र ठरेल.
(२) या कलमाखाली सर्व अपराध आपसात मिटवण्याजोगे असतील आणि फौजदारी प्रक्रिया संहिता, १९७३ (१९७४ चा २) यामध्ये संक्षिप्त न्यायचौकशीसाठी तरतूद केलेल्या कार्यपद्धतीनुसार त्याची संक्षिप्त न्यायचौकशी करण्यात येईल.